Сямейны фестываль без гадзіннікаў і інтэрнэту запрашае ў Панямонцы

Павольны сямейны фестываль “Разам” без мабільнікаў, алкаголю і стрэсаў пройдзе 28-30 ліпеня 2017 года ў вёсцы Панямонцы Лідскага раёна Беларусі. Яго ўдзельнікі на тры дні адмовяцца ад гадзіннікаў, інтэрнэту, фастфуду і паспрабуюць адчуць смак сапраўднага жыцця і целыню няспешых размоў на беразе Нёмана.

афиша па-беларуску-сціснута

Па запрашэнню YMCA Беларусь (грамадскай арганізацыі “Хрысціянская садружнасць дарослых і маладых”) у моладзевым цэнтры “Панямонцы” збяруцца людзі розных узростаў, нацыянальнасцей, фізічных магчымасцей, творчых і гастранамічных захапленняў. Іх чакаюць карысная сялянская ежа, спевы, гульні, спартыўныя спаборніцтвы, батлейка, майстар-класы, прэзентацыі ды шмат іншага. Плануюць зладзіць рэканстркцыю традыцыйнага беларускага народнага вяселля, пазнаёміць з іншымі скарбамі культуры.

ежа

— Многія з нас апынуліся ў палоне сваіх гадзіннікаў і мабільнікаў, — тлумачыць каардынатар фестывалю “Разам” Вольга Крусь. — Мы спяшаемся працаваць і жыць. Кантакты між людзьмі становяцца такімі ж хуткімі, стандартнымі і малакарыснымі, як фастфуд. Наш фестываль у моладзевым цэнтры “Панямонцы” — магчымасць запаволіць бясконцы бег, сустрэцца з цікавымі людзьмі, паразмаўляць з імі і паспяваць разам за вялікім сталом, адчуць смак сапраўднай ежы і сапраўднага жыцця.

Воля Крусь інтэрвью фестываль Панямонцы-6

Па яе словах, гэты фестываль дапаможа кожнаму па-іншаму зірнуць на сваё штодзеннае жыццё, зведаць новы фармат правядзення вольнага часу, пазнаёміцца з беларускімі народнымі традыцыямі. Апроч таго, за два гады, якія прайшлі з мінулага фестывалю, многія пасталелі, у валанцёраў YMCA Беларусь падрастаюць дзеці. Таму і выбралі сямейны фармат.

дети-3

У Панямонцах бацькі змогуць адарвацца ад тэлевізараў, кампьютэраў і мабільнікаў. І ўсю сваю ўвагу і цеплыню, пяшчоту падарыць дзецям. Можна разам маляваць, пець, зрабіць ляльку для батлейкі, паставіць уласны спектакль ці прыдумаць штосьці іншае. Дастаткова аднойчы адчуць радасць сямейнай гармоніі — і пазней бацькі захочуць ізноў бавіць вольны час з дзецьмі, разам адпраўляцца ў падарожжы.

fest_razam-so_sceny

Першы фестываль у моладзевым цэнтры “Панямонцы” прайшоў улетку 2015 года. На яго сабраліся валанцёры YMCA Беларусь, іх замежныя сябры, жыхары Панямонцаў ды суседніх вёсак. Тады акцэнт зрабілі на музыцы, спевах, танцах. Сёлета ж вырашылі вырвацца з палону часу і стварыць па-сямейнаму прыемную абстаноўку. Арганізатары, сярод якіх прадстаўнікі розных рэгіёнаў Беларусі, рыхтуюць шмат сюрпрызаў. Яны гатовы да эксперыментаў, абяцаюць незабыўныя ўражанні.

Руслан Ананьеў

Добавить комментарий

Ваш адрес email не будет опубликован. Обязательные поля помечены *

*

Этот сайт использует Akismet для борьбы со спамом. Узнайте, как обрабатываются ваши данные комментариев.