Канцэрт у Панямонцах

Канцэрт для жыхароў Панямонцаў прайшоў у аднайменным моладзевым цэнтры YMCA Беларусі. А ўлетку на тым жа месцы, на беразе Нёмана плануюць правесці свята вёскі.

На першым пасяджэнні Савета абмеркавалі планы на 2018 год

Першае пасяджэнне новага Савета грамадскай арганізацыі “Хрысціянская садружнасць дарослых і маладых” (YMCA Беларусі) прайшло ў Валожыне. Яго ўдзельнікі зацвердзілі план правядзення летнікаў, семінараў і трэнінгаў, супрацоўніцтва ў межах міжнародных праектаў, абмеркавалі іншыя пытанні.

Смак чатырох краін прывабіў у Панямонцы

Цёплы культурна-гастранамічна-астранамічны трэнінг “Кухня Сусвету” прайшоў у моладзевым цэнтры “Панямонцы”. Яго ўдзельнікі здзейснілі ўяўнае падарожжа ў мінуўшчыну Беларусі і быццам павандравалі па трох замежных краінах — Швецыі, Украіне і Расіі.

“Дом Еўропы” ў Панямонцах

Адкрылі нямецкі пакой, умацавалі частку падмурка будынка моладзевага цэнтра “Панямонцы”, пачалі будаваць прыступкі да Нёмана і альтанку. Акрамя плённай супольнай працы ўдзельнікі беларуска-нямецкага летніка “Дом Еўропы” пазнаёміліся з культурай, традыцыямі дзвюх краін, падзяліліся досведам у іншых сферах і выявілі яркія творчыя здольнасці.

Кніга знітавала Панямонцы са Скарынам, Сапегамі і Дамейкам

Валанцёры YMCA Беларусі выдалі кнігу “Скарбы Панямонцаў”. Вельмі сімвалічна, што яе прэзентавалі на фестывалі “Разам” напярэдадні 215-годдзя Ігната Дамейкі і 500-годдзя беларускага кнігадрукавання.

Фестываль “Разам-2017”: талака з народнымі стравамі, майстар-класы, спектаклі і музыка ад сярэднявечнай да Зміцера Вайцюшкевіча

Павольны сямейны фестываль, прасякнуты беларускімі народнымі традыцыямі, прайшоў напрыканцы ліпеня ў моладзевым цэнтры “Панямонцы” YMCA Беларусі. Тры дні на беразе Нёмана ўдзельнікі дзіўнага свята пражылі ў намётах, без гадзіннікаў і мабільных тэлефонаў.

Два валанцёры з Ганконга паўдзельнічаюць у дзвюх панямонскіх летніках

Два валанцёры з YMCA Ганконга амаль што два месяцы правядуць на стажыроўцы ва YMCA Беларусі. За гэты час яны паўдзельнічаюць у дзвюх панямонскіх летніках і фестывалі, вывучаць культуру і традыцыі нашай краіны, падзеляцца ўласным досведам.

Мелодыку і смак вясковых традыцый адлюструюць у праекце “Скарбы Панямонцаў”

Жывыя ўспаміны жыхароў маляўнічай вёскі Панямонцы Лідскага раёна, іх аўтэнтычныя песні, сакрэты народных беларускіх страў — такія ды іншыя скарбы збяруць валанцёры YMCA Беларусь. Кнігу і музычны дыск з такімі здабыткамі збіраюцца прэзентаваць напрыканцы ліпеня на сямейным фестывалі на беразе Нёмана.

У Панямонцах пачалі падрыхтоўку да чэрвеньскага летніка

Інтэрактыўныя і актыўныя метады працы з падлеткамі ў летніках вывучылі ўдзельнікі семінара-трэнінга ў моладзевым цэнтры “Панямонцы”. Некаторыя з іх пажадалі стаць валанцёрамі, у бліжэйшы час прымяніць тэорыю на практыцы.

Летнікі, фестываль і новы старшыня

Як зрабіць бліжэйшы летнікава-фестывальны сезон у моладзевым цэнтры Панямонцы максімальна яркім і карысным? Гэтыя ды іншыя пытанні абмеркавалі на пасяджэнні Нацыяльнага савета  грамадскай арганізацыі “Хрысціянская садружнасць дарослых і маладых” (YMCA Беларусь).