Калядная “перазагрузка”

Калядныя сустрэчы прайшлі ў адукацыйным цэнтры “Панямонцы”. Да лідэраў і валанцёраў з розных аддзяленняў YMCA Беларусі далучыліся госці з Украіны.

Напярэдадні каталіцкага Раства ў Панямонцы прыехалі госці з Маладзечна, Ліды, Мінска, Брэста і Віцебска. Каляднага настрою дадалі сябры з YMCA Украіны – з Кіева, Белая Царквы і Крэменчуга.

– Мы разам упрыгожвалі цэнтр “Панямонцы”, затавалі святочную вячэру.ю спявалі пад гітару, гулялі, удзельнічалі ў квэсце, – распавяла адна з арганізатарак сустрэчы Ангеліна Канаплёва з Маладзечна. – Было цікава і ўзбагаціць веды пра гісторыю і традыцыі YMCА ў свеце і Беларусі. Сябры з Украіны паведамілі пра тое, якія  праекты ладзяць у іх лакальных аддзяленнях. Генеральны сакратар YMCА Беларусі Аляксандр Драчук падрабязна праінфармаваў пра мерапрыемствы, запланаваныя ў дзейнасці арганізацыі ў 2020 годзе, які будзе для YMCА Беларусі асаблівым, юбілейным: будзе адзначацца 20-годдзе.

– Ідэя правесці Калядныя сустрэчы нарадзілася ў лістападзе, калі лідэры сабраліся ў Панямонцах на трэнінг па кіраванню арганізацыяй, – патлумачыла Марыя Карпіновіч з YMCА Маладзечна. – Увечары, пасля заканчэння заняткаў, накідалі некалькі ідэй, а пазней, калі раз’ехаліся па сваіх гарадах, іх дапрацавалі, сфарміравалі праграму. На мой погляд, Калядныя сустрэчы атрымаліся цікавымі, святочнымі і па-сяброўскаму цёплымі. Калі будзем планаваць наступныя аналангічныя мерарыемствы, магчыма, паспрабуем дадаць яшчэ больш адукацыйных аспектаў, выкананне заданняў у малых суполках.

– Калядныя сустрэчы – добрая традыцыя YMCА Беларусі, – падзяліўся ўражаннямі старшыня YMCА Ліды Алег Шот. – Але раней яны найчасцей праходзілі ў лакальных аддзяленнях. Напрыклад, я, калі яшчэ быў падлеткам, ездзіў на скаўцкія сустрэчы напярэдадні Калядаў у вёску Мілое, што непадалёк ад Бабруйска. А сёлета лідэры з Ліды Маладзечна зладзілі Калядныя сустрэчы на нацыянальным узроўні. Лічу, што старт атрымаўся вельмі ўдалым. Хочацца, каб надалей такія мерарпыемтвы сталі традыцыйнымі.

Руслан Ананьеў
Фота Аляксандра Драчука

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.